Полицијата упаднала во редакциите на телевизиите „Бугтон“ и „Канал Турк“, како и во весникот „Миллет“ во Турција.

До акцијата дошло по одлука на судот во Анкара против една од најголемите турски корпорации блиска до милијардерот Фетхулах Гулен. Тој води политичка и медиумска битка со силите блиски до Ердоган, од САД.

Полицијата пристигнала во централата на телевизиите на медиумската група рано наутро, околу 4:30 часот без да покажат судска наредба. Пратеникот на опозициската Републиканска народна партија Махмут Тана повеќепати ги предупредил полицајците дека го кршат Уставот и законите на земјата и побарал од командирот да покаже пресуда за своите постапки.

Околу 7:00 часот наутро полицајците успеале да влезат во главната контролна сала на медиумската групација и да го спречи емитувањето на телевизиски сигнал. Полицијата, исто така, го блокирала и влезот на зградата, со што тој бил затворен за вработените да влезат внатре. Репортер на телевизија „Бугтон“ бил уапсен. Има информации дека пратеникот Махмут Тана бил удрен од полицијата.