Дел од полицајците денеска ја напуштиле  салата каде се одржувал семинарот, затоа што обучувач бил припадник на „Шарената револуција“.

Тие сметаат дека оној кој е во судир со полицијата навечер, не може истовремено да им биде и тренер како да се справат со инциденти од омраза. Од ОБСЕ објаснија дека Павле Богоевски, бил присутен како поранешен асистент на Факултетот за безбедност во Скопје и поранешен ментор на Полициската академија.

На средбата биле присутни полицајци од СВР Тетово, а партнер на ОБСЕ во проектот е Хелсиншкиот комитет.

Министерството за внатрешни работи апелира до Мисијата на ОБСЕ во Скопје во иднина да прави проверки кого ангажира, бидејќи е неприфатливо лица кои нанесуваат штети од стотици илјади евра, кои рушат споменици, ја напаѓаат и навредуваат полицијата во исто време да бидат и нејзини едукатори.

За време на протестите на „Шарената револуција“ во Скопје, Богоевски беше приведен, па ослободен.