Како што признава, Бојан Ристиќ ја возел жената на породување со „ненормална“ брзина. Вели дека полицијата го бркала, го запрела, па под ротација го однела во породилиште, но потоа му напишала казна!

Бојан Ристиќ од Јаково за само неколку часа една зимска ноќ доживеа неколку неверојатни работи. Почнал раѓањето на неговата сопруга Александра, а Бојан „нагазил“ на автомобилот за да ја носи на породување, не размислувајќи за последиците. Возел, како што вели, несовесно и над 120 километри на час, а во еден момент бил забележан од сообраќајна патрола.

Полицијата го бркала и го стигнала на семафор, но кога сфатила дека неговата сопруга практично се пораѓа во автомобил, ги запалиле ротационите светла и така со нивна придружба го испратиле во родилиштето Народен фронт. Чекале да се породи неговата сопруга Александра, а потоа му ја врачиле казната на Бојан!

Ристиќ за ТВ Прва раскажа како се случило сето тоа и признал дека полицајците „биле навистина премногу добри“, а докторот кој ја породил сопругата рекол дека навистина постоела опасност поради неговото несовесно возење, но дека сфаќа дека Бојан немал алтернатива поради можни компликации при породувањето.

„Толку брзо се случи, немав многу време за размислување, само да стигнам на време. Живееме во Јаково, се јавивме на лекар и се упативме кон породилиштето. По автопат возев брзо, ненормално, признавам. Уф, подобро да не кажувам колку сум возел. Тука каде што ме регистрираа, беше 121“, рече Бојан и призна дека додавал гас секогаш кога неговата сопруга ги чувствувала породилните болки.

Извор и фото: Српски медиуми