ПОКАНА ОД РУСИЈА: Македонија и Албанија да влезат во Евроазиската унија
Русија ги покани Македонија и Албанија во Евроазиската унија.
Постојаниот претставник на Русија во Европска унија, Владимир Чижов, им упати покана на Македонија и на Албанија да ѝ се придружат на Евроазиска економска унија (ЕЕУ) за време на Евроазискиот економски форум во Верона.
Двете држави побрзо ќе наидат на разбирање во ЕЕУ отколку во ЕУ, смета рускиот дипломат.
Руската покана за балканските земји да ѝ се приклучат на ЕЕУ се случува десет дена по ветото од францускиот претседател Емануел Макрон за почеток на преговори на ЕУ со Македонија и со Албанија.
Во 2018 година Иран склучи договор за слободна трговија со ЕЕУ, каков што на 26 октомври потпиша и Србија.
ЕЕУ е формирана во 2015 година и во неа членуваат Русија, Белорусија, Казахстан, Ерменија и Киргистан.
Слично
Поврзани вести
