Бизнисмените од индустриската зона во Визбегово крај Скопје бараат од Владата еднаков третман со странските инвеститори и почесто да им излегива во пресрет на нивните барања.

За време од една и пол година колку што трае досегашниот мандат на новата власт преку Стопанската комора на Северозападна Македонија сопствениците на погоните и магацинските плацови од Качанички пат до Владата испратиле 54 барања за подобрување на работните услови. Од нив само еден е имплементиран, додека три се во процес.

Бизнисмените признаваат дека комуникацијата со владата на почетокот на мандатот била многу подобра отколку во последниот период. Бараат креаторите на политиката да имаат посериозен пристап и она што тие ветија дека ќе го постигнат да го исполнат во догледно време.

Во економската зона на Визбегово има околу 300 компании кои вработуваат околу 3 илјади луѓе. Учеството на овие компании во националниот БДП е 3,4%, од кои повеќето се занимаваат со трговијата на големо и мало, а неколку од нив со преработувачката индустрија. 

Вкупните приходи минатата година биле речиси 350 милиони евра. Поради тешките услови во оваа област, 140 компании се изгаснати.