Подравка објави дека повлекува од продажба „Ева“ сардини со лук и магдонос во пакување од 115 грама со рок на употреба до 9 јули 2017 година поради утврдено физичко оштетување на конзервата што може да доведе до набабрување.

Во соопштението на компанијата се наведува дека станува збор за серијата 09072013 со рок на траење до 9 јули 2017 година, на кои внатрешната контрола забележала физичко оштетување на конзервата што може да предизвика нивно расипување.

Подравка објави дека ја повлекува спорната серија сардини Ева и ги повикува потрошувачите кои евентуално имаат набавено сардини од оваа серија да се јават на бесплатниот телефон за потрошувачи на компанијата.