Секој трет Хрват живее во пренатрупан дом со малку соби. Во Словенија, приближно секој десетти жител живее во пренатрупан дом.

Според Евростат, околу 17 проценти од населението на Европската Унија живее во пренаселени домови.

Ова значи дека домаќинствата немаат доволно соби за да ги исполнат минималните критериуми. Минималниот број соби е, на пример, една за возрасен пар, две за пар и две деца од ист пол.

Хрватска е во групата од пет земји од ЕУ со највисока стапка на пренатрупаност во домовите: Романија е најлоша со 41 процент од населението, по што следат Латвија (39), Бугарија (34), Полска (33,7) и Хрватска (32 проценти).

Значи, речиси една третина од населението на Хрватска минатата година живеело во пренатрупани домови со недоволен број соби во однос на членовите на семејството. 

За споредба, стапката на пренатрупаност во Словенија е 11 проценти, во Ирска пет проценти, а во Германија 11,5 проценти. Сето ова е значително пониско од европскиот просек за минатата година, пренесува Даница.хр.

foto freepik.com