Во близина на МРТВ денеска ќе биде пуштена употреба катната гаража „Судска палата“. На пуштањето ќе присуствуваат министерот за транспорт и врски Миле Јанакиески и градоначалникот на општина Центар Владимир Тодоровиќ. Новата катната гаража со деловен простор „Судска палата“ е во близина на комплексот на судовите, до новиот објект на Кривичен суд на булеварот „Гоце Делчев“. Предвидени се 500 паркинг места, на површина од околу 20.000 метри квадратни. Деловно-административиот простор што се наоѓа во делот од катната гаража е 15 отсто од вкупната површина и содржи деловни простории. Изведувач на работите е ГП Бетон, а проектот е изработен од Проектантската куќа Мегарон.