Во законодавниот дом започна конститутивната седница на новиот, осми по ред парламентарен состав. Седницата ја отвори најстариот меѓу новоизбраните пратеници Стојан Миланов од Социјалистичката партија на Македонија. Во салата забележително е отсуството на избраните пратеници од СДСМ и нивните коалициски партнери, како и Руфи Османи кој требаше да биде пратеник на НДП. Тие ги вратија мандатите затоа што не ги признаваат изборите и изборните резултати. Во новиот состав на парламентот ВМРО-ДПМНЕ има 61 пратени,19 има ДУИ, 7 - ДПА и еден пратеник има партијата ГРОМ. На седницата треба да биде избран и новиот претседател на Собранието. За тоа се потребни 62 гласа, а предлогот го доставуваат најмалку 20 пратеници. На конститутивната седница на македонското Собрание присуствувапретседателот Ѓорге Иванов, претставници на дипломатскиот кор и други гости.