Халид Бешлиќ почина во Клиничкиот центар на Универзитетот во Сараево, објави Н1.

Според медиумите, тој долго време бил хоспитализиран во КЦУС поради тешка болест.

Халид Бешлиќ е роден на 20 ноември 1953 година, во селото Кнежина, во близина на Соколац во Босна и Херцеговина. Потекнувал од скромно семејство, а уште како дете покажувал талент и љубов кон пеењето. Уште во младоста настапувал на училишни претстави и локални собири, каде што се истакнувал со својот глас.

Кон крајот на 1970-тите, Халид почнал да настапува во клубови и кафулиња низ тогашна Југославија. Неговиот прв значаен успех била песната „Беби, беби“ (1979), која му ги отворила вратите кон професионалната музичка сцена.

Тој доживеа вистински пробив во раните 1980-ти со низа хитови што го одбележаа целиот регион.