Хрватските компании се повеќе покажуваат интерес да ја прошират дејноста во Босна и Херцеговина за успешен останок на пазарот во земјите на ЦЕФТА, по влезот на Хрватска во Европската унија на 1 јули оваа година. Како што пренесе порталот сеебиз, повикувајќи се на пишувањето на агенцијата Срна, интерес за инвестиции во БиХ, освен компанијата Гавриловиќ, искажаа  и Подравка, Дукат и уште некои фирми од Хрватска. „Се зголемува бројот на хрватските компании кои изразуваат интерес да отворат свои погони во Босна и Херцеговина и да организираат производство. На тој начин достапниот пазар на ЦЕФТА ќе им биде под поволни услови„ - наведуваат од Министерството за надворешна трговија и економски односи во БиХ.