ПО ПОВЕЌЕ ОД 60 ГОДИНИ, ОХРИДСКИОТ АЕРОДРОМ Е ЛЕГАЛИЗИРАН: Николоски вели дека е впишан аеродромот во Катастар
На последниот ден од 2025 година сакам да споделам убава вест дека охридскиот аеродром кој оперира уште од 1970-тите години конечно е легализиран!, објави министерот за транспорт и врски, Александар Николоски.
„Изминатава година тим од Министерството за транспорт, АД Аеродроми и ТАВ, заедно со Катастар, Државното правобранителство, Управата за имотно-правни работи и други владини институции посветено работеше конечно да се впише Охридскиот Аеродром „Св. Апостол Павле“ во катастар и конечно овој стратешки објект да добие имотен лист.
Во нормални услови ова воопшто не би било вест, но после толку години негрижа и запоставување на државниот капитал сметам дека е важно да се запознае јавноста.
Во следниот период ќе работиме на модернизација и реконструкција на Охридскиот Аеродром со цел да привлечеме нови туристи.
Нека е убава и среќна новата 2026 година!“, објави тој.
Слично
Поврзани вести
