По долгогодишна борба со леукемијата на 53-години почина поранешниот српски фудбалер и тренер Синиша Михајловиќ.

Михајловиќ е роден на 20 февруари 1969 година во Вуковар. Со фудбал почнал да се занимава во локалниот клуб Боров во кој и стана професионалец.

Две години подоцна се пресели во Војводина, а во 1990 година пристгнува во Црвена Ѕвезда со која стана Европски и Светски шампион.

После две години заминува во Италија каде настапуваше за Рома, Сампдорија, Лацио и Интер, при што се здоби со статус на еден од најдобрите одбрамбени играчи во Серија А.

Во 1999 година беше прогласен за најдобар фудбалер на Југославија, а за репрезентацијата одигра 63 натпревари и постигна 10 погодоци. Ги водеше тимовите на Болоња, Катанија, Фиорентина, Сампдорија, Милан,Торино, Спортинг, а беше селектор и на Србија.