Холандскиот амбасадор во Македонија, Ваутер Пломп вели доста стававме на хартија, време е за имплементација на договореното.

Тој ги повика лидерите да ја решат политичката криза. Пломп смета дека ако донесат разумни решенија, Советот ќе даде повторно препорака за Македонија. Амбасадорот додава дека соработката меѓу двете земји е интензивирана поради претседателството на Холандија со ЕУ, но и поради грижата за иднината на нашата земја.

„Холандија го прави ова бидејќи сме загрижени за Македонија и најмногу бидејќи сакаме да ја видиме Македонија да успее на патот на евроатлантската интеграција и да стане членка на ЕУ и на НАТО – вели Пломп.

Амбасадорот верува дека политичарите ќе ги направат потребните чекори со цел Македонија да се врати на евроинтегративниот пат.

Денешниот настан„Кафе пауза со холандскиот амбасадор“ организирано од Секретаријатот за европски прашања, Пломп го искористи за да повика на повикување неселективна правда.