Хрватскиот премиер Андреј Пленковиќ денеска на главниот плоштад во Загреб кафето што го испи со претседателката на Европската комисија Урсула фон дер Лајен го плати со евра. Со ова тој симболично го одбележа денешниот ден, кога Хрватска влезе во еврозоната и истовремено стана нова членка на Шенген зоната.

Пленковиќ и фон дер Лајен пиеја кафе на плоштадот Бан Јелачиќ во друштво на министерот за финансии Марко Приморац и гувернерот на Хрватската централна банка Борис Вујчиќ. Приморац и Вујчиќ претходно вечерва ги подигнаа првите евра од банкомат во Загреб.

Вујчиќ на претседателот на Европската комисија му ги претстави и првите примероци на монети од хрватски евра. Посетата на Хрватска Фон дер Лајен ја заврши со прошетка низ главниот град.

Хрватска по полноќ стана 20-та членка на еврозоната, со што еврото стана официјална валута. Истовремено, таа стана дел од групата од 23 земји-членки на Европската унија, кои исто така се дел од Шенген зоната. Покрај членките на ЕУ, Шенген ги вклучува и Норвешка, Швајцарија, Исланд и Лихтенштајн, кој последен се приклучи на оваа област во 2011 година.