Велат дека минималната плата мора да се зголеми на најмалку 500 евра, а со тоа да се зголемат и останатите плати за најмалку 100 евра.

„Алармантно е тоа што во вредноста на синдикалната минимална кошница која се обидуваа да ја оспоруваат затоа што во неа според нив се предвидувало луксуз, предвиден е трошок за седум ноќевања во Дојран од 23 до 30 јуни, но пололовина од македонските работници не можат да си го дозволат ниту тоа“, велат од ССМ.

Потребен е раст на платите за македонските работници да можат да си овозможат пристоен годишен одмор за себе и за своите семејства, затоа што и минималната и просечната плата се најниски во регионот.

Податокот е преземен од Еуростат, првично објавен од Finance Think за тоа колку луѓе не можат да заминат на одмор од една недела. 

foto freepik.com