Просечната нето плата во Хрватска во првото тримесечје од 2017 година била 5.408 куни или околу 725 евра. 

Тоа е за 1% помалку во однос на претходното тримесечје, а 2% повеќе отколку во истиот период во 2016 година.

Сепак, повеќето Хрвати примаат плата која е помала од просечната. 

Мажите во изминатите три месеци во земјата во просек заработувале 11% повеќе од жените.

Најплатени во првото тримесечје биле менаџерите, кои во просек имаат 112% поголема плата од просечната, а најслабо платени се работниците во текстилната индустрија, кои заработуваат 43% помалку од просечната плата.

Платите во странските приватни фирми се 13% над просекот, а во државните 4% над просекот. Најниски плати има во фирмите кои се претежно во домашна сопственост и тие се 5% помали од просечните.

И образованието влијае на висината на платата. Оние кои се високо образование земаат за 50% повисоки плати од другите. 

Работата во поголема компанија гарантира и повисока плата, а се покажало дека оние фирми кои имаат помалку од 10 вработени се со пониски плати од просечните.