Прво за сметки, па ако останат пари ќе се купи и храна. До загрижувачки податоци дојде Коалицијата за борба против гладта, која го презентираше истражувањето за гладта и сиромаштијата во Македонија, во кое што дури 63 отсто од анкетираните се изјасниле дека најголем дел од буџетот го трошат за плаќање сметки, а останатите пари за храна. 22 отсто од граѓаните  земале повеќе од еден кредит, а голем дел од нив и на вересија во локалните дуќани. Истражувањето „Заеднички глас против гладта,“ покажало и дека најголем дел од граѓаните не веруваат дека централната и локалната власт се борат против сиромаштијата Анкетата е спроведена во Скопје, Тетово и Струмица на 450 испитанци. Најмногу гладни и сиромашни луѓе се покажало дека има во Скопје, потоа во Тетово каде што сиромаштијата најмногу се чувствува во руралните подрачја.