Турската полиција во неделата уапси 5 лица поради коментари против претседателот на земјата, Реџеп Таип Ердоган, исмејувајќи го дека тој е заразен со Ковид-19.

Според турскиот весник „Хуриет“, одделот за сајбер криминал истражувал 36 профили на социјалните мрежи и наредил апсење на 8 лица, но досега се спроведени само 5 налози за апсење.

Најпознатото име меѓу уапсените е Дерја Бујукунџу, олимписка пливачка која се пензионираше од 2012 година и е позната по учеството во различни ТВ емисии во Турција. Таа беше уапсена откако одговори со саркастичен коментар на сопствениот „твит“ на Ердоган, кој побара од неговите следбеници да се молат за брзо закрепнување.

„Тој се зарази со коронавирус и сега сака да се молиме. Ќе се молиме, без грижа. „Сега почнав да правам алва и ќе ја поделам штом дојде време“, напиша поранешната пливачка, осврнувајќи се на навиката да се прави алва кога ќе дојде време некој да почине.