Минималната казна од пет години затвор ќе добијат сите учесници, инструктори, финансиери и логистичари во воените конфликти на Блискиот Исток.

Казни од 4 -5 години затвор е предвидено и за учество, регрутација, обука и агитирање.

Вака гласи македонскиот кривичен законик, кој беше донесен во септември минатата година, кога десетина македонски државјани загинаа на воените жаришта во Сирија и Ирак.

Според овој законик, ќе им се суди и на лицата кои беа приведени сабајлево во антитерористичката акција што ја спроведоа единиците на МВР.

Операцијата беше спроведена во повеќе градови низ Македонија и е насочена против припадници на џихадистичката организација Исламска држава во земјава, како и против лица кои учествувале во врбување македонски државјани за учество во паравоени формации.

До сега во Скопје, преземена е акција во населбите Гази Баба, Дижонска и Серава, како и во градовите Струга и Куманово.

Акцијата била преземена за пронаоѓање на учесници во војните во Сирија и Ирак.

Од МВР најавуваат повеќе информации во текот на денот.