Ќерката на уапсениот косовски Србин Дејан Пантиќ, Ивана Пантиќ, денеска побара од властите, но и од меѓународната заедница, да му дозволат на семејството да разговара со Пантиќ, со кој немале никаков контакт и пет дена по неговото апсење.

Косовските власти го уапсија на 10 месецов, а потоа Србите поставија барикади. 

Шефот на ЕУЛЕКС, Ларс Гунар Вигемарк изјави дека мисијата на ЕУ има контрадикторни информации за уапсениот Пантиќ и дека не знаат каде се наоѓа.

На северот на Косово ноќта помина мирно, но ситуацијата и понатаму е тензична, јавува РТС. Барикадите на Србите кои протестираат поради апсењето на поранешниот полицаец Дејан Пантиќ влегуваат во својот петти ден.