Директорот на црногорскиот Институт за јавно здравје Игор Галиќ во интервју за „Побједа“ вели дека претстојната празнична сезона претставува голем епидемиолошки предизвик затоа што непочитувањето на мерките и организацијата на собири и прослави може скапо да нè чини.

„Апелирам до граѓаните да се воздржат од несовесно однесување и со тоа да го зачуваат своето, но и здравјето на нивните најблиски. Кога станува збор за корекција на мерките, Институтот за јавно здравје ја следи епидемиолошката состојба и врз основа на индикатори и состојбата на теренот, ќе предложиме здравствени мерки“, вели црногорскиот епидемиолог.

Во земјата има над 600 починати, и повеќе од 43.000 дијагностицирани. 

Европа се затвора пред празниците. Во различни земји има различни рестрикции.