Повеќето пензионери во Босна живеат на праг на сиромаштија.  Трошоците во изминатите пет години пораснале над 100 отсто, а пензиите се зголемиле за само пет проценти.

Минатиот месец во Ферерацијата БиХ имало 382.136 пензионери, а просечната пензија изнесува околу 175 евра. Најниска пензија од околу 155 евра добиваат 235.000 пензионери, односно високи 62 отсто.

Пензионерските здруженија бараат итно зголемување на пензиите за најмалку 10 отсто, а како причина за тоа го наведуваат растот на трошоците за живот не ја следат состојбата на пензиите па нивната материјална и социјална положба се повеќе се влошува.

Пензионерите бараат и целосно бесплатна здравствена заштита и реформа во социјалниот систем.