За една недела истекува рокот на пријавување за користење на услугата за „Бањско климатска рекреација на корисници на пензија за 2015 година“, како и за услугата „Бесплатен туристички викенд за корисници на пензија за 2015 година” .

Пензионерите кои што ги исполнуваат условите за пријавување за користење на услугата може да аплицираат во подрачните филијали во Фондот на пензиското и инвалидското осигурување на Македонија ширум државата.

Сите оние лица корисници на пензија коишто користат и паричен надоместок за помош и нега од друго лице, додаток за мобилност или слепило имаат право на придружник за време на бањско климатската рекреација и бесплатниот туристички викенд.

Бесплатните услуги „Бањско климатска рекреација на корисници на пензија за 2015 година“ и „Бесплатен туристички викенд за корисници на пензија за 2015 година“ може да ги користат сите оние лица кои се корисници на старосна, инвалидска и семејна пензија остварена според прописите на Република Македонија и прописите на други држави со коишто Република Македонија и имат склучено договор за социјално осигурување.