АД Пелистерка бележи уште еден негативен квартал, па така за периодот 01.01 до 31.03 повторно е во загуба и тоа поголема во однос на првиот квартал од 2016-та. 

Во консолидираниот биланс на успех сосема евидентно е дека Пелистерка успеале да ги зголемат приходите од продажба на домашен пазар и странски пазар кои вкупно изнесуваат околу 91.500.000 денари што е мал раст во однос на истиот квартал лани со 86.000.000 денари оперативни приходи.

Сепак, и оваа позитивна ставка не е доволна за Пелистерка да забележи квартал во добивка бидејќи расходите се зголемиле од 85.000.000 на речиси 115.500.000 денари. Добро е што трошоците најголем раст имаат во ставката за набавка на суровини и други материјали, но и самата навна вредност на трговските стоки е доста покачена од 9.500.000 на речиси 30.000.000 денари. За нијанса се зголемени и трошоците за вработените.

Токму затоа АД Пелистерка во минус го завршува и овој квартал со загуба од 17.300.000 денари што е повеќе во однос на првиот квартал во 2016-та кога загубата била помала и изнесувала 9.600.000 денари.