Нов закон за зелените пазари побараа денеска пазарџиите кои се жалат на субстандардни услови за живот.

Трговците велат дека ниту еден пазар не ги исполнува минималните технички услови за функционирање притоа побараа  подобри услови за работа, инфраструктурно средување на зелените пазари, искоренување на дивите продавачи како и нов закон за зелени пазари

Претседателот на Комората на трговци која ги застапува зелените пазари, Екрем Долек вели дека условите во кои работат се еднакви на геноцид.

„Катастрофа! Видете, во овие услови не седат ниту животните, а ние луѓето седиме тука. Веќе 30 години сум на „Бит Пазар“ се оди кон полошо, ништо не оди кон добро.“ – велат дел од продавачите.

Продавачите побараа да се донесе нов закон за зелени пазари, бидејќи од 2008 година кога почна да се работи на закон имало 10 драфт верзии во спротивно најавуваат протести.

„Ако излеземе ние на улица значи излегуваме поради глад и недостиг на основни елементарни средства за нас и нашите деца“ - додаде Долек.