Денеска пазарџиите од „Зеленото пазарче“ во Скопје ќе излезат на предупредувачки штрајк и тезгите ќе останат заклучени во текот на целиот ден поради зголемувањето на цените за изнајмување на тезги и поради тоа, како што велат, што не им се подобрени условите во кои што работат.

Од таму велат дека ценовниците предвидуваат поскапување и ако досега било наплаќано за тезга 50 или 100 денари, сега се пристапува кон наплаќање на дневен закуп од 250 денари. Исто така укината е резервацијата во зимскиот период и сега закупците треба да платат цел износ однапред од 5250 денари.

Цената за дневен закуп на тезга е зголемена, а исто така неисплатлив бил и месечниот закуп од 2.500 до 7.000.

Ако не се промени нешто во однос на нивните барања, тие ќе ја добијат поддршката и од другите пазари.