Осумдесет и две годишниот Стефан се запалил во општата болница во Велес, но поради сериозните повреди бил пренесен во градската болница „Свети Наум Охридски“ во Скопје кадешто вечерта починал. Според првичните информации, докторите и сестрите коишто биле на смена го забележале Стефан како гори пред вратата на тоалетот во болничката соба и започнале да го гасат со вода и ќебиња. Случајот бил пријавен во полициската станица во Велес и по овластување на јавен обвинител извршен е увид од полициска екипа за да се утврдат причините поради кои дошло до палење на старецот. Тој бил на лекување на инфективното одделение во Велес цела недела.