Патријархот Вартоломеј повика на воздржаност пред националистичките протести
Важните и чувствителни прашања треба да се решаваат во мир со воздржаност и мудрост, апелира вселенскиот патријарх Вартоломеј во врска со разговорите за прашањето за името меѓу Грција и Македонија и најавениот утрешен протест во Атина, кој е поддржан и од Грчката православна црква.
- Вселенската патријаршија, како мајка црква на сите православни цркви на Балканот, во врска со разговорите за прашањето за името на ПЈРМ, апелира до сите засегнати страни на трезвеност и воздржаност со цел ова важно и чувствително прашање да се решава во мир и мудрост - стои во апелот на вселенскиот патријарх Вартоломеј.
Во меѓувреме грчката црква и натаму придонесува за кревање на тензиите и ширење на говорот на омраза, се противи на употребата на терминот Македонија во конечното решение доколку дојде до компромис меѓу двете земји активно учествува во организирање на националистичките протести.
Слично
Поврзани вести
