Владејачката партија ВМРО-ДПМНЕ ги повика сите политички фактори во земјата да се однесуваат одговорно и достоинствено.

Реакцијата на партијата на Никола Груевски е по повод одлуката на опозицискиот Социјалдемократски сојуз (СДСМ) да не учествува на претстојните предвремени парламентарни избори на 24 април.

„Народот бара решенија за секојдневните проблеми. Партиите не треба да бидат водени од личните интереси на нивните раководители. Ќе има фер и демократски избори и ова прашање не треба да пречи СДСМ. СДСМ треба да се плаши од отпорот, која се создаде во државата против нивната деструктивна политика базирана на афери, интриги, шпионски филмови и манипулации“, се вели во соопштението на ВМРО-ДПМНЕ.

Од таму повикуваат СДСМ да даде свој придонес за организирање на фер и демократски избори уште повеќе дека нивен претставник раководи со Министерството за внатрешни работи и има значително влијание во Државната изборна комисија.

Потсетуваме дека доцна синоќа СДСМ одлучи за не учествува на изборите. Додека нема чист избирачки список и слободни медиуми не може да има фер и демократски избори, рече лидерот на СДСМ Зоран Заев и повика за промена на датумот на изборите.