До полноќ политичките партии до oпштинските изборни комисии  треба да достават предлози за членови на избирачките одбори  и нивни заменици.

Ова е заради формирање или  дополнување на избирачките одбори со нови членови и заменици.  Обврската е во согласност со Роковникот на Државната изборна комисија  за спроведување на предвремените парламентарни избори на 5 јуни. Потоа, општинската изборна комисија треба да провери дали предложениот кандидат ги исполнува условите предвидени во Изборниот законик и да ја достави листата на предлози до Државната изборна комисија.

Од ДИК објаснуваат дека испратиле соопштение и дека се јавуваат во општинските изборни комисии за да им укажат дека денеска ќе треба да ги чекаат предлозите на политичките партии, а рокот истекува на полноќ.