Според папата европските лидери треба да го стават човековото достоинство во основата на одлуката на грчката должничка криза, пренесоа агенциите.

„Достоинството на човековата личност треба да е во центарот на секоја политичка и техничка дискусија, а исто така и во процесот на усвојување на одговорни решенија“, изјавил папата.

Поглаварот на Католичката црква е вознемирен од социјалните последици на кризата врз грчкото семејство.

Грчкиот премиер Алексис Ципрас потврди дека неговата земја ќе одржи референдум за условите за финансиската помош, и ги повика луѓето да гласаат со „Не“ со цел добивање на подобра понуда.

Во телевизиското обраќање до нацијата, тој изјавил дека Грција ќе продолжи да преговара со меѓународните кредитори и инсистираше на тоа дека Атина сака да остане во Европа.