Претседателот на Панама, Хозе Раул Мулино, нареди привремено преземање на управувањето со пристаништата Балбоа и Кристобал, кои досега беа контролирани од хонгконшката компанија CK Hutchison, објави Блумберг.

Одлуката е донесена откако Врховниот суд на Панама ја поништи концесијата на оваа фирма од Хонг Конг, што предизвика правни и политички тензии, истакнува агенцијата.

Панамската влада ги презема пристанишните операции поради непочитување на судските наредби.

Овие пристаништа се клучни за Панамскиот канал, а преземањето вклучува и мобилна опрема.

Панама ќе ја надомести вредноста на опремата, освен ако не се продаде со нови контролери.

„Кина решително ќе ги заштити легитимните права и интереси на своите компании“, изјави денеска портпаролката на кинеското Министерство за надворешни работи, Мао Нинг, откако панамските власти презедоа две пристаништа во Панамскиот канал, управувани од конгломератот CK Hutchison со седиште во Хонг Конг.

Повторувајќи дека ставот на Кина за прашањата поврзани со пристаништето во Панама е јасен, Мао на редовната прес-конференција рече дека надлежното претпријатие издало соопштение во кое се наведува дека ги задржува сите права, вклучително и можноста за правна заштита, објави Синхуа.

foto Wikipedia/Camilo Molina