Државната изборна комисија ги отфрли сите приговори за вториот круг на локалните избори во Центар. Приговорите главно се однесуваа на нарушување на тајноста на гласањето и агитирање, како и за евидентирање на лични податоци на гласачите од страна на овластените претставници на политичките партии. Седницата започна со еден час задоцнување, а ДИК засега не прифати ниту еден приговор за гласањето во вториот круг поднесени од страна на ВМРО-ДПМНЕ. Инаку ВМРО-ДПМНЕ поднесе повеќе од 60 приговори за општина Центар, а седницата минуваше во заострена атмосфера и жестоки расправии. Со овој развој на настаните, Жерновски и дефинитивно е новиот градоначалник на Центар. По приговорите за Центар, ДИК ги разгледува 17-те приговори на ВМРО-ДПМНЕ за Струга., а како последни се оставени 252 приговори на СДСМ за повеќе општини и град Скопје.