Последниот попис од 2015 година потврди дека во Јапонија бројот на жители се намалува. Населението во Јапонија изнесуваше 127,1 милиони минатата есен, што е намалување за 0,7 отсто во однос на 128,1 милиони  во 2010 година. Регистрирано е опаѓање на населението во последните пет години, покажуваат статистиките. Една жена во просек раѓа по 1.4 деца и Владата презема мерки за стимулирање на наталитетот, преку поголема грижа за децата, подобри услови за работа на жените, подобра здравствена заштита и слично. Ако трендот на слаб наталитет и миграцијата продолжат, се очекува до 2050 година Јапонија да има 108 милиони луѓе, а до 2060 година бројот ќе изнесува 87 милиони. Пописот покажа дека населението во Токио се зголемило на 13,5 милиони, што е за 2,7 отсто повеќе од пописот во 2010 година. Ова се должи на миграцијата од помалите места кон Токио во потрага по работа.