Цените на ѓубривата нагло растат поради прекините во снабдувањето предизвикани од војната со Иран, додека блокадата на Ормутскиот теснец ја загрозува глобалната трговија.

Земјоделците на северната хемисфера влегуваат во клучните пролетни месеци, во кои мора да ја започнат работата на полињата. Нивните колеги на југот, во меѓувреме, се зафатени со бербата на своите посеви пред да дојде зимата.

Сепак, нивната работа сега се одвива во време кога војната со Иран создава строги ограничувања на снабдувањето со основни ѓубрива - поттикнувајќи огромни зголемувања на цените и предупредувања за претстојна несигурност во храната.

Според Обединетите нации, околу една третина од светската поморска трговија со ѓубрива поминува низ Ормутскиот теснец.

Овој клучен премин е сериозно нарушен од почетокот на војната, сообраќајот е практично запрен, а неколку бродови се погодени од ракети во самиот теснец или во неговата близина.

Фјучерсите за ѓубрива имаат помала ликвидност од другите стоки, што ги прави цените помалку транспарентни. Сепак, индустриските аналитичари за CNBC изјавија дека виделе како цената на гранулираната уреа FOB во Египет - репер за азотни ѓубрива - скокнала на околу 700 долари за метрички тон, од 400 на 490 долари пред војната.

CNBC наведува дека цените на уреата и амонијакот се зголемиле за околу 50 oтсто и 20 отсто, соодветно, од почетокот на војната. Други ѓубрива, како што се поташата и сулфурот, исто така станаа поскапи.

foto printskrin youtube