Патниците за кои цената е еден од најважните критериуми при избор на одмор би можеле да бидат задоволни од новата листа на најприфатливи светски дестинации за 2026 година, која го издвојува бразилскиот Салвадор како најприфатлив град за патување.

Зборуваме за градови низ целиот свет кои нудат комбинација од автентична атмосфера и пријатен престој, со хотелскo сместување кое во просек чини помалку од 150 евра по ноќ.

Листата е објавена од туристичката платформа Expedia во извештајот „Прифатливи дестинации 2026“. На врвот на листата е Салвадор во Бразил. Градот е познат по своите златни песочни плажи, шарени куќи и историски центар исполнет со барокни цркви и уметнички музеи.

Интересни факти за Салвадор

Салвадор бил првиот главен град на Бразил од 1549 до 1763 година, пред Рио де Жанеиро да ја преземе таа улога.

Стариот град Пелурињо е на списокот на светско наследство на УНЕСКО. Познат е по своите шарени колонијални куќи, камени улици и барокни цркви. Салвадор се смета за културно срце на афробразилската традиција. Многу елементи од бразилската култура се родени тука, вклучувајќи капоера, афробразилски религии и дел од традиционалната музика.

Карневалот во Салвадор е еден од најголемите во светот и се проценува дека привлекува милиони посетители секоја година.

Салвадор има повеќе од 50 километри крајбрежна линија и бројни градски плажи кои се популарни меѓу локалните жители и туристите. Едно од најпознатите обележја е Лифтот Ласерда, историски лифт што ги поврзува горниот и долниот дел од градот и нуди спектакуларен поглед на заливот.

Два мексикански града на листата

Второто место на листата го зазема Гвадалахара во Мексико, важен финансиски и културен центар кој ќе биде и еден од градовите домаќини на Светското првенство во фудбал во 2026 година.

Покрај Гвадалахара, на листата се најде уште еден мексикански град - Мерида, позната по својата комбинација од мајанско и колонијално наследство.

Меѓу десетте најповолни дестинации беа и две големи јужноамерикански метрополи: Богота во Колумбија и Сао Паоло во Бразил.

На листата се наоѓаат и популарните азиски градови Бангкок, Куала Лумпур и Хо Ши Мин, познати по нивниот жив ноќен живот и прифатлива улична храна.

Листата ја затвора Едмонтон во Канада, кој е наречен „град на фестивали во Канада“ поради бројните настани во текот на целата година, како и Санто Доминго во Доминиканската Република, еден од најстарите градови на Карибите.

Најповолните дестинации за 2026 година се:

Ел Салвадор, Бразил

Гвадалахара, Мексико

Богота, Колумбија

Мерида, Мексико

Хо Ши Мин, Виетнам

Сао Паоло, Бразил

Бангкок, Тајланд

Едмонтон, Канада

Куала Лумпур, Малезија

Санто Доминго, Доминиканска Република