Фризерската професија, која некогаш се соочуваше со хиперпродукција, моментално доживува ренесанса во Хрватска и привлекува нов профил на ученици - претежно  одлични и многу добри студенти. Оваа професија за нив сега е прв избор. Според податоците објавени по овогодинешниот летен уписен циклус за средните училишта, Загрепското стручно училиште за лични услуги, кое, меѓу другото, образува нови генерации фризери, потврди дека 670  ученици аплицирале за 182 места за упис за оваа насока. Иако општото средно училиште е сè уште најпопуларната опција, фризерските услуги се меѓу најбараните меѓу стручните професии, а изненадувачки е и тоа што профилот на заинтересирани и запишани студенти претрпе еден вид метаморфоза во споредба со претходните години. Како што изјави директорката Даринка Штампар Шмагуч во гостувањето на ХРТ на почетокот на јули, последниот запишан студент кој успеа да добие место на насоката фризер е со четворки, што е прв пат да се случи такво нешто, пренесува вечерњи. 

foto freepik.com