Бизнисот со одгледување нане во Србија почна брзо да цвета, бидејќи ова растение стана барано не само во Србија, туку и во цела Европа.

Килограм суво нане на пазарот достигнува цена од 4 до 5 евра, а од хектар под ова растение може да се добијат до 1.500 килограми суви лисја. Пресметката е јасна, приходот од хектар нане се движи помеѓу 6.000 и 7.000 евра.

Трошоците за инвестирање во одгледување и одржување на плантажи изнесуваат околу 2.000 евра (саден материјал, работна сила, наводнување и сушење), што значи дека земјоделецот може да смета на нето добивка до 5.000 евра по хектар.

Најголемата предност на производството на нане е постојаната побарувачка. Фармацевтската и прехранбената индустрија го користат во огромни количини: од чаеви, сирупи и есенцијални масла, до бонбони, сокови и козметика. Органското нане е особено барано на извозните пазари, каде што цената оди и до 30 проценти повеќе.

Производителите истакнуваат дека откупот е практично загарантиран, бидејќи купувачите често доаѓаат на имотот, а и оние кои имаат сопствена сушара за масло или дестилерија остваруваат дополнителен приход.

foto freepik.com