Земјите кои се најзависни од Ормутскиот теснец се Јапонија, Јужна Кореја, Пакистан и Тајван. 

Според аналитичарите на меѓународниот финансиски сајт Investing.com, земјите кои се најзависни од енергенсите што се транспортираат низ Ормутскиот теснец се Јапонија, Јужна Кореја, Пакистан и Тајван.

Според проценките објавени од Џеси Коен, аналитичар на финансиски сајт со седиште во Израел, Јапонија увезува 73 проценти од енергенсите што поминуваат преку Ормутскиот теснец, Јужна Кореја 70 проценти, а Пакистан и Тајван по 60 проценти.

По нив следува Кина, за која се проценува дека увезува помеѓу 40 и 45 проценти од енергенсите, Индија со 42 проценти, потоа Тајланд со 30 до 35 проценти, Сингапур со 30 проценти, Малезија со 25 до 30 проценти и Филипините со 25 проценти.