Со времетраењето на студените денови, изборот на огревно дрво станува клучно прашање за ефикасно и економично греење.

Иако често се избира она што е најдостапно или најевтино, експертите истакнуваат дека не сите видови дрво се подеднакво добри. Одлучувачки фактори се количината на топлина што ја произведува дрвото и времето колку гори.

Тврдо дрво - основа на квалитетно греење

Тврдото дрво традиционално се смета за најдобар избор за зима поради нивната висока густина. Тие горат побавно, обезбедуваат постабилна и долготрајна топлина и произведуваат помалку пепел. Меѓу нив, најчесто се споменува дабот, кој се смета за сигурно и цврсто огревно дрво. Сепак, дабот бара долг период на сушење, често до две години, бидејќи влажното дрво гори слабо и дава многу помалку топлина.

Бреза - брзо загревање, но кратко траење

Брезата е позната по тоа што лесно се пали и брзо ослободува топлина. Токму затоа често се користи за потпалување или брзо загревање на просторија. Сепак, нејзиниот недостаток е краткото време на горење, па затоа не е идеална како единствен извор на греење во текот на ноќта.

Габер- најгусто и најдолготрајно

Иако многу луѓе го избегнуваат поради тешкото разделување и потребата од добро согорување, габерот се смета за едно од најдобрите дрва за огрев. Има исклучително висока густина, гори многу бавно и дава постојана, силна топлина. Токму поради овие карактеристики, се смета за дрво кое гори најдолго и има највисока енергетска вредност. Кога печката е добро загреана, габерот е идеален за долготрајно и стабилно греење со помала потрошувачка, пишува Каматица.

Правилниот избор носи заштеди

Изборот на вистинскиот вид огревно дрво не само што влијае на топлината во домот, туку и на потрошувачката, чистотата на оџакот и целокупната ефикасност на греењето. Иако габерот и дабот бараат поголема подготовка и трпение, на долг рок тие носат најголема профитабилност и топлина во текот на зимските месеци.

foto freepik.com