Големото откривање на 11,5 милиони документи од една панамска адвокатска фирма, а која открива како светските богаташи ги кријат своите пари, е главна тема на бројни медиуми ширум светот. Се работи за документи кои даваат увид во финансиите на големите корпорации, корупција и избегнување на плаќање данок.

Во центарот на вниманието во овој случај се бројни познати поединци и организации кои своите пари ги држеле на тајните сметки во Панама, а целата приказна, иако звучи комплицирано, може да се објасни прилично лесно.

Корисникот на социјалната мрежа „Редит“  DanGliesack со пример на детска касичка едноставно објаснил како функционира целиот состав.

-Кога добиеш некои пари, ги ставаш во детска касичка. Касичката со прасе (како што веројатно имаат вашите деца или вие сте имале кога сте биле мали) се наоѓа на полицата во твојот плакар. Твојата мајка знае за неа и постојано ја проверува и секогаш знае дали парите внатре се потрошени или не .

Но, еден ден ти одлучуваш дека не сакаш повеќе мајка ти да ти гледа во касичката со прасе. Одиш во куќата на Џони со додатна касичка прасе која ќе ја чуваш во неговата соба. Го пишуваш своето име на неа и ја ставаш во плакарот. Мајката на Џони е многу зафатена па таа никогаш нема време да ја прегледува неговата касичка прасе. Поради тоа и ти ја чуваш твојата таму и таа останува тајна.

Сите деца во соседството помислат како тоа е добра идеја и сите во куќата на Џони ги донесат своите екстра касички прасе. Плакарот на Џони сега е полн со касички од целото соседство.

Не ги донеле сите своите екстра касички кај Џони од лоши причини. Постариот брат на Ерик често краде од неговата касичка прасе па одлучил дека е подобро да ја сокрие. Тими сакал да заштеди пари за роденденот на својата мајка без таа да знае. Сами пак тоа го направил бидјеќи му изгледало забавно. Сепак, многу деца тоа го направиле од лоши прични. Џејкоб крадел пари за ужина од другите деца и не сакал неговите родители да знаат за тоа. Мајкл крадел пари од ташната на мајка му. Дебелиот Боби родителите го ставиле на диета и тој не сакал тие да знаат тој кога купува слатки.

Сега во вистинскиот свет, многу важни луѓе се фатени дека ги криеле нивите пари од касичката во куќата на Џони во Панама. Денес нивните мајки тоа го дознале. Наскоро сите ќе знаеме повеќе за тоа кои од тие луѓе тоа го правеле од лоши причини, а кои од добри. Сепак, речиси сите се во неволја без разлика на се „бидејќи постоењето на тајни е против правилата, без разлика на се“, појасник корисникот на Твитер.

Како што пишува „Vox“, голема е веројатноста повеќето луѓе вмешани во овој случај, парите да ги криеле на технички легален начин за да избегнат плаќање на данок. Тоа е пракса која трае веќе со децении, а која на големите компании им дозволува да избегнат данок во сивата зона која сѐуште е во рамки на законите.

Повеќе за Панама пејперес може да прочитате на линковите подолу:

[button color="orange" size="medium" link="http://faktor.mk/2016/04/05/panama-nikoj-ne-e-siguren-pa-ni-makedonskite-politichari/" target="blank" ]ПАНАМА: Никој не е сигурен, па ни македонските политичари![/button]

[button color="orange" size="medium" link="http://faktor.mk/2016/04/04/mapa-i-dve-makedonski-kompanii-vo-dokumentite-na-panama/" target="blank" ]МАПА: И две македонски компании во „Документите на Панама“[/button]

[button color="orange" size="medium" link="http://faktor.mk/2016/04/05/shto-se-sluchuvalo-vo-panama-10-te-najvazhni-prashana-chii-odgovori-treba-da-gi-znaete/" target="blank" ]ШТО СЕ СЛУЧУВАЛО ВО ПАНАМА: 10-те најважни прашањa чии одговори треба да ги знаете![/button]

[button color="orange" size="medium" link="http://faktor.mk/2016/04/04/video-foto-najgolemo-otkrivane-na-tajni-dokumenti-eve-koi-se-liderite-shto-kriele-pari-vo-panama/" target="blank" ](ВИДЕО-ФОТО) НАЈГОЛЕМО ОТКРИВАЊЕ НА ТАЈНИ ДОКУМЕНТИ: Еве кои се лидерите што криеле пари во Панама![/button]

[button color="orange" size="medium" link="http://faktor.mk/2016/04/05/koi-se-lugeto-koi-stojat-zad-aferata-panama-pisatel-i-sin-natsist-gi-chuvale-parite-na-svetskite-moknitsi/" ]КОИ СЕ ЛУЃЕТО КОИ СТОЈАТ ЗАД АФЕРАТА ПАНАМА: Писател и син нацист ги чувале парите на светските моќници![/button]