Поранешни војници од Армијата на Република Македонија почнаа штрајк со глад пред Собранието, каде поставија и шатор за спиење. Тие бараат да им се реши статусот на стотина војници кои беа отпуштени со законските измени во 2014 година и тие повторно да бидат вработени.

Овој закон предвидува дека војниците можат да работат до 45 години, а не како до сега до 35-38 години, возраст на која биле отпуштени овие војници.

"Законот беше донесен во 2014 година, но веќе беше доцна, оти овие луѓе веќе беа отпуштени со завршена старосна граница 35/38 години. Потоа поднесовме иницијатива за опфаќање и на овие војници на кои им заврши професионалниот однос по основ на старосна граница и за вадење на претставката донесена 31.12.2013 година, со која се одредува да бидат во неработен однос. Бараме да бидеме опфатени со Законот и повторно да се вработиме", вели војникот Маријанчо Горбански.

Тој најави дека денес ќе поднесе иницијатива до Собранието за итна измена на Законот.

Фото: Вест