Маја Гаталица од хрватското село Пруговац се нашла во Шведска иако никогаш не сонувала за живот во странство. Денес живее и работи во местото Енгелхолм. 

„Студирав во Хрватска, поточно во Ријека и заради партнерот одлучив да се преселам во Шведска. Тој е родум од Хрватска, но живее во Шведска. Иако  не сум веќе со него, сепак не сакам да се вратам во татковината“ - раскажува Гаталица. 

Пронашла за кратко време работа во дом за стари лица. Вели дека никогаш не размислувала за ваква работа, но сепак е задоволна. 

„Дури  размислувам и за ова да се дообразувам. Ова е нешто со што сакам да се занимавам“ - додава таа. 

Раскажува дека живее во мал стан кој за неа е сосема доволен. Вели дека според шведскиот стандард, недвижнините и не се многу скапи и дозволуваат младите да почнат свој живот. 

За шведскиот јазик Гаталица додава дека е сличен на англискиот и релативно брзо го научила. 

„Имам работа и тоа ми е доволно за да останам. Работев во Хрватска како студентка,  но можам да кажам дека ова е потполно нов свет“ - кажа Гаталица. 

Девојката вели дека во Шведска кога ќе земете плата, таа е доволна за живот и нема страв дали ќе ви стигнат парите за сметки и купување на храна.