Поскапеле повеќе намирници, покажаа податоците на Државниот завод за статистика (ДЗС). 

Во август 2022 година, во споредба со претходниот месец, пораст на цените има кај лебот и житата за 6,4 проценти, свежото и разладеното овошје за 3,8 проценти, млекото за 3,6 проценти. 

Понатаму, месото поскапело за 2,5 проценти, минералната вода, газираните пијалаци, соковите од овошје и зеленчук за 1,4 проценти, свежиот и разладениот зеленчук освен компирите и другите коренести плодови за 1,3 проценти, пивото за 1,2 проценти, шеќерот, џемот, медот, чоколадата и кондиторските производи за 0,6 проценти, рибата и морските плодови, кафето, чајот, какаото за 0,3 проценти.

Во август, исто така, пораст на индексите на трошоците на животот е забележан и кај услугите за сместување за 27,6 проценти, централното греење за 14,2 проценти, фотографската и кинематографската опрема и оптичките инструменти за 12,4 проценти и ред други услуги. И многу европски земји се борат со висока инфлација. 

foto freepik.com/prvproductions