Специјалниот суд во Белград го продолжи притворот за уште 30 дена на членовите на организираната криминална група Вељко Беливук и Марко Миjковиќ, кои се обвинети за убиство, трговија со дрога и други кривични дела.

Нивниот притвор беше продолжен со одлука на судот на претходна постапка од сите правни причини - опасност од бегство, опасност од криење или уништување докази, за да не ги повторат кривичните дела за кратко време, како и јавно вознемирување .

Обвинетите и нивните бранители можат да поднесат жалби против оваа одлука до кривичниот вонсудски совет на судот во рок од три дена.

Беливук и Миjковиќ беа уапсени на 4 февруари под сомнение дека организирале криминална група што извршила најтешки злосторства, криејќи се зад навивачката група „Принципи“ на Паризан.

Покрај нив, во тоа време беа уапсени уште 20-тина членови на групата, а Обвинителството за организиран криминал започна истрага против 22 лица.

Една недела подоцна беше уапсен и А.Ш. каде е пронајден снајпер и е поврзан со оваа група. Му беше одреден и притвор затоа што е обвинет за здружување заради извршување кривични дела и недозволено изработување, држење, носење и трговија со оружје и распрскувачки материи.

Според наредбата за спроведување на истрагата, сите од групата на Беливук се товарат за злосторничко здружување и трговија со дрога, неколку од нив со оружје, а Беливук, Миjковиќ и уште седуммина за тешки убиства.

Извор и фото: Курирс.рс и Тањуг