Портпаролот на ДУИ Бујар Османи синоќа за 24 вести изјави дека предлогот на Нимиц за името не задира во идентитетот на Македонците. -До сега немаше вистински преговори со Грција. Секогаш се разговараше за сет идеи. Сега имаме конкретен предлог. Потребно е да се седне на маса, и во директни преговори да се дојде до трајно решение, се додека не се затвори прашањето, по модел со кој на таква маса седнаа Србија и Косово. Само така ќе се реши овој проблем, вели Османи. Според Османи за ДУИ е прифатливо секое име што ќе го прифатат македонските политички партии освен славо Македонија, етничка Македонија и БЈРМ. -Ризикот од неинтегрирање на земјата кон НАТО и ЕУ е многу поголем отколку ризикот од решавање на спорот согласно овој предлог што сега е на маса, додаде Османи, кој смета дека станува збор за интересен предлог кој треба да се разгледа најскоро.