Во северно Косово осамнаа графити поради кои реагираа косовските власти. 

Графитите „Не грижи се, ние сме тука“, „Северна бригада“, „Не грижи се, те чекаме“ се појавија на улиците на Косовска Митровица во пресрет на вчерашните разговори меѓу српскиот претседател Александар Вучиќ и премиерот на Косово, Албин Курти во Брисел.

Вучиќ рече дека на северот на Косово има нова генерација деца кои нема да трпат терор. Косовската полиција потврди дека покренала истрага за графитите. 

Во одвоени разговори на Вучиќ и косовскиот премиер Албин Курти вчера во Брисел, генералниот секретар на НАТО, Јенс Столтенберг ги повика двете страни да покажат воздржаност. Но, напредок немаше. Претходно, НАТО вети дека ќе спречи ескалација на Косово.