Повеќе заинтересирани граѓани  денеска ја посетија Општина Прилеп на Отворениот ден наменет за нив. Вработените во јавни институции, претставници на невладиниот сектор, АРМ и сите заинтересирани граѓани биле дел од проектот „Отворен ден за граѓаните – Посета и запознавање со работата на Локалната самоуправа и градоначалникот на Општина Прилеп“. Започнувајќи од холот на општина Прилеп, Едношалтерски систем, Инспекторат, Секторот за Урбанизам, Архива, Сектор за Општоправни работи, Финансии, Раководителите на одделенијата, Секторот за Просторно и урбанистичко планирање, Секретарот, шефот на кабинет и кабинетот на  Градоначалникот, граѓаните ја имале  и можноста да се запознаат со начинот на функционирање и со организацијата на работата во Општина. До општинските функционери биле упатени и низа  прашања за процедурите на носење одлуки од сите области. На присутните им бил презентиран и филм во кој се опфатени сите досегашни реализирани проекти на општината како и проекти во реализација кои ќе му дадат нов лик на градот.