Во отчетот на едногодишното работење на новото раководство на општина Центар се открива дека локалната самоуправа во изминатиот период морала да им плати дури 2,5 милиони евра на тужители со кои имале судски спорови.

„Општината редовно и навремено ги исплаќа побарувањата на своите соработници и редовно ги исплаќа платите на своите вработени. 82 милиони денари средства неискористени од програмата за Скопје 2014 пренаменети се за раздолжување на судски долгови на општината. Досега, по основ на сите судски побарувања, општина Центар има вратено околу 150 милиони денари.

- Лани општината имаше долгови од 120 милиони денари кон добавувачите, а сега има само долг од 20 милиони денари за недоспеани побарувања и 0 денари долг доколку се гледаат доспеаните побарувања“, рече градоначалникот Саша Богдановиќ.во својот отчет.